All I want for Christmas is...

YOU!

And you...

Julehandel. Er det verkeleg nødvendig?

Eg har hatt mi første sundagsvakt på The Body Shop. Før eg gjekk på jobb i dag trudde eg at det kom til å bli ein roleg dag. Eg har alltid tenkt at folk flest tek det med ro på sundagar, at dei besøker venner og familie, går turar, eller berre slappar av. At eg kunne ta så feil! Heile dagen i dag har eg stått i kassa eller pakka inn julegåver. Butikken var like full som på ein laurdag, men i dag var vi kun to personar på jobb. Ingen av oss fekk tid til å ta pause. Eg har ikkje snakka med ein einaste kunde, eg har ikkje anbefalt eller demonstrert eit einaste produkt, eg har kun tatt imot pengar. Det er skikkeleg dårleg service, det. Sundagen, kviledagen, blei den travlaste dagen i heile veka.

Handelsnæringa vil tena mest mogleg, kjøpsrekordane frå i fjor må jo slåast! Folk gløymer kva som er viktig, og bruker masse pengar på ting dei ikkje treng. Kvifor ikkje bruka pengane på noko nyttig, noko som kan vera til hjelp for andre? Jula er høgtida for å ta vare på og visa omsorg for andre. Dei siste åra har eg kutta ut julegåvene. Eg kjøper kanskje fem gåver kvart år. Resultatet blir sjølvsagt at eg kun får fem gåver tilbake, men kva gjer vel det? Då slepp eg å få masse unyttige ting som aldri blir brukt likevel. Denne videoen har ikkje berre inspirert meg til å kutta ned på julegåvene, men og å støtta ulike prosjekt som vil gjera livet lettare for dei som har det vanskeleg. Tenk kva som hadde skjedd dersom alle i heile verda kjøpte tre julegåver mindre, og heller støtta eit bra prosjekt! Verda ville blitt ein betre stad!

Vil ha, vil ha!

Ein i klassen min har konstant med seg Jesus-plaster i sekken. Eg vil og ha! (Dette er forresten det første blogginnlegget eg har skrive frå mobilen min. Hurra for teknologien!)

Eit søvnig notat...

Og det er akkurat det eg gjer! 

I heile kveld har eg prøvd å skriva sykepleieteori i forhold til eit ernæringsprosjekt eg har på skulen, men eg har verken viljestyrke eller motivasjon. Og prosjektet bør helst vera ferdig i morgon, altså om eit par timar... I staden for å skriva prøvde eg først å få med meg folk på kino. Det gjekk ikkje, så eg har laga meg skikkeleg middag, sove på sofaen, sett "Jakten på kjærligheten" på TV, betalt rekningar, lest haugevis av bloggar, bestilt eit lite lass med sminke- og hudpleieprodukt frå nettet, sendt mail til folk eg ikkje anar kven er på TravBuddy og planlagt både påske- og sommarferien. Og no er eg i gang med blogging. Kvifor gjera fornuftige ting når ein kan gjera så mange andre ting? Skulebøkene ligg framleis rett framfor meg på bordet. Eg har enno ikkje opna dei, og det har eg heller ikkje tenkt å gjera. Det er mykje lettare for meg å stå opp kl. 6 for å skriva. No er eg allereie halvvegs til Drøymeland...

Er det rart eg har vondt i skuldrene?

Bok

Avtalebok

2 pk tyggegummi

5 kulepennar

Tusj

Vannflaske 

Kindersjokolade

Paraply

Hanskar

Skjerf

Lommebok

Busskort

Bank-ID-dings

Nøkler

Mobiltelefon

Headset

Kleenex

Plaster

Paracet

Leppepomade

Lipgloss

Handdesinfeksjonsmiddel

Handkrem

Parfyme

Pudder

Solpudder

Dekkstift

Hårbørste 

Hårstrikk

Lommespeil

+ haugevis av gamle kvitteringar

Desse "byrdene" har tynga skuldrene mine i lang tid. Kvifor er det slik at mange jenter på død og liv skal ha med seg halve livet i veska uansett kvar dei går? Takk og lov for at eg tok ein liten opprydning i dag. Er det rart eg får vondt i skuldrene? Not at all!

I've got my own cover boy!

Dette er oktoberutgåva av The Insyder, eit populært ungdomsmagasin i Kenya. Boss har blitt cover boy! Eg hadde aldri trudd at kjærasten min skulle bli cover boy, det er liksom ikkje heilt hans stil... Men han er jo ikkje akkurat vond å sjå på :) 

Og sidan eg allereie er så godt i gang, kan eg like gjerne leggja ut ein av dei nyaste musikkvideoane til M.O.G. Enjoy! 

Guess who's back!

It feels good to be back!

Det er fleire som har etterlyst bilete av frisyren min etter at eg var hos frisøren, men no er det såpass lenge sidan eg klipte meg at håret har blitt langt igjen. Men frisyren blei bra, den! Eg skal heller leggja ut bilete neste gong eg går til frisøren. Det er snart tida for det... Håret mitt veks utruleg fort! Eg veit at eg ikkje skal klaga, for det er altfor mange der ute som har det motsatte problemet. Men håret mitt veks så fort at det irriterar meg. Eg må nemlig klyppa og farga ofte. Men nok om håret mitt... 

Dette har skjedd sidan sist: 

Eg har fylt 23 år. Hipp hipp hurra!

Eg sat ved sida av og hadde ein lang samtale med Ole Gunnar Solskjær på flyet til Amsterdam. Eg skulle vidare til Nairobi, han skulle til Nice. Og eg angrar bittert på at eg ikkje tok bilete av han. Det hadde gjort seg på bloggen! 

(Her skulle det ha vore eit bilete av meg og Ole Gunnar Solskjær)

Som sagt har eg vore i Kenya, og eg kom meg nesten ikkje heim igjen på grunn av flystreik. Men det gjorde absolutt ingenting. Eg fekk vera 3 dagar ekstra i Nairobi, og Kenya Airways spanderte overnatting på det finaste hotellet i byen. Kven kan vel klaga på det? I enjoyed my life as a Kenyan princess! 

Eg er sjukepleiarstudent igjen. Eg begynte riktignok litt seint, men det var på grunn av den tidlegare nemnde flystreiken. 

Leiligheta der eg bur har vore offer for BIG SCALE oppussing. Alt utanom golvet har fått seg eit malingstrøk. 

Boss og M.O.G. har endeleg gitt ut debutalbumet sitt! Dei hadde ein strålande releasekonsert, og det var ein gledeleg dag for alle utanom meg. Eg var ikkje der... 

Eg svingar meg på parketten! Nokon klarte nemlig å lura meg med på dansekurs på Krigsskulen, så no går det i vals, tango, foxtrot og swing saman med ein kjekk soldat. 

Eg har fått meg ny jobb, og jobbar no for The Body Shop i Sandvika.

Eg har klart å ruinera meg. Det er så alt for mange fine klede der ute... 

Og når eg først har tilstått at eg er ruinert, kan eg og tilstå at denne hausten har eg oppdaga Hannah Montana. Perfekt tidsfordriv når eg kjem heim frå jobb/forelesning. 

Som du kanskje har forstått, er livet mitt stort sett som før.

Over og ut!

Nytt hår, takk!

Eg har bestilt frisørtime på måndag, og eg er litt spent. Det er to år sidan sist eg var hjå frisøren. Då vart resultatet katastrofalt, og eg endte opp med å fletta inn Barbie-hår. Etter denne skrekkopplevinga har eg klippa og farga håret mitt sjølv, og det har gått heilt greitt. Men eg kan dessverre berre klippa ein frisyre, så no er tida inne for litt forandring. Eg har bestemt meg for at eg aldri vil ha kort hår igjen, så eg tenkte å prøva meg på ein frisyre slik som denne:

WHAT DO YOU THINK?

Hjelp, det er jo juli!

Det gjekk plutseleg opp for meg at det er juli. Tida går altfor fort, sommaferien er jo snart over. Eg har ikkje fått gjort noko av det eg hadde tenkt å gjera. Eg hadde planlagt å pussa opp rommet mitt, laga system i alt eg eig og har, lima bilete inn i fotoalbumet mitt (har foreløpig kome til sommaren 2001, så eg har ein jobb å gjera...), besøka venner og kjente i alle delar av landet, dra på båttur, gå lange turar, og berre ha det kjekt. Eg får heller gjera det til hausten :)

Og eg hadde store planar om å bli kjempesprek. I fjor sommar var eg svært flink. Eg jogga på stranda annankvar dag. Det er TUNGT å jogga i sand, og eg kom raskt i form. I år har eg ikkje vore på stranda ein einaste gong. Ikkje eingong for å bada... Eg har derimot klart å leggja på meg 4 kilo, og eg veit kvifor. Eg er lat! Og eg har spist mykje søppelmat. Eg kunne ha spart meg for kebaben og hamburgaren i sist veke, og all den usunne grillmaten i helga. Eg kunne latt vera å eta kaker, is og brus. Eg lærer aldri, for gjett kva eg skal i kveld! Jo, eg skal laga ein ny ladning muffins. Det ser stygt ut som om den perfekte bikinikroppen uteblir i år og, og eg er nødt til å gå rundt som meg sjølv. Men det er ikkje så galt, det heller.

Eg trur eg dør!

Av latter, altså.

Eg skreiv tidlegare om Den Snille Tjuven, men no har det vist seg at han ikkje er så snill likevel. Eg fekk nettopp kredittkortrekninga mi... Innan eg sperra kortet mitt har tjuven klart å bruka heile kr 287,60 på Kiwi Sandnes. Tjuven var tydelegvis svolten. Eller røykesjuk.

No har eg ledd så mykje at eg har vondt i heile kroppen!